​10 të lënduar dhe 26 të zhdukur nga rrëshqitja e dheut në Norvegji

Dhjetë persona u plagosën, njëri është në gjendje kritike, ndërsa 26 janë zhdukur pasi një rrëshqitje e dheut në Norvegjinë jugore mori më shumë se dhjetë ndërtesa në orët e para të mëngjesit, raporton Reuters.

Rrëshqitja e dheut goditi zonën e banuar të komunës Jerdrum, rreth 30 kilometra në veri të Oslos.

Personat e zhdukur janë nga zona më e prekur nga rrëshqitja e dheut, por ende nuk është e qartë nëse ata ishin bllokuar në shtëpitë e tyre, nëse ata arritën të shpëtonin apo të evakuoheshin në kohë, sipas policisë.

Shefi i policisë tha se zona ishte akoma e paqëndrueshme dhe mund të afrohej vetëm me helikopter dhe kryetari i bashkisë tha se rreth 500 njerëz ishin evakuuar.

“Kjo supozohej të ishte një fundjavë e qetë e Vitit të Ri, gjatë së cilës njerëzit ndoshta duhet të shqetësohen më shumë për COVID-19, dhe jo për njerëzit e zhdukur në rrëshqitje”, tha kryeministrja Erna Solberg për TV2.

Norvegjia jugore është goditur nga reshje të mëdha shiu në ditët e fundit, të cilat supozohet se kanë çuar në rrëshqitje të dheut, njofton televizioni kombëtar NRK.

Ngjarja paraprake

Barcelona e ka humbur busullën në La Liga

Ngjarja e ardhëshme

​Rama: 250 mijë euro ndihmë për Kroacinë pas tërmetit

të fundit nga

AlbanianEnglishMacedonian